Best 5 Bollywood Movies Based On Mumbai Terror Attack

ಸದ್ಯ ಬಿಗ್‌ಬಾಸ್ ಸ್ಪರ್ಧಿಯಾಗಿರುವ ಪ್ರತಾಪ್ 'ಡ್ರೋನ್' ವಿಚಾರಕ್ಕೆ ಸಾಕಷ್ಟು ಅವಮಾನಗಳಿಗೆ ಗುರಿಯಾದವರು. ಈ ಬಗ್ಗೆ ನೋವು ತೋಡಿಕೊಂಡ ಪ್ರತಾಪ್, ನಾನು ಸಣ್ಣದೊಂದು ರಿಸರ್ಚ್ ಮಾಡಿದ್ದೆ. ಆಗ ನನ್ನನ್ನು ಜನರು ಹಾಡಿ ಹೊಗಳಿ ಮೆರೆಸಿದ್ದರು. ತದನಂತರ ಪಾತಾಳಕ್ಕೆ ತಳ್ಳಿಬಿಟ್ಟರು. ನನ್ನ ಜೊತೆಗಿದ್ದ ಮೂವರು ವ್ಯಕ್ತಿಗಳು ಹೆಣೆದ ಬಲೆಯಲ್ಲಿ ನಾನು ಬಿದ್ದೆ. ಕೊನೆಗೆ ನನಗೆ ಸಾಕಷ್ಟು ಹಿಂಸೆ ಕೊಟ್ಟರು. ನಾನು ಚಿಕ್ಕಮಗಳೂರಿನ ನನ್ನ ಗೆಳೆಯನ ಮನೆಯಲ್ಲಿ ಕ್ವಾರಂಟೈನ್ ಆಗಲು ಹೋಗಿದ್ದೆ.  ಆಗ ನನ್ನ ತಂದೆಯನ್ನು ಪೊಲೀಸ್ ಠಾಣೆಗೆ ಎಳೆದೊಯ್ದರು. ನಿಮ್ಮ ಮಗ ಕ್ವಾರಂಟೈನ್‌ನಲ್ಲಿಲ್ಲ ಎಂದರು.  ಕಂಡಲ್ಲಿ ಗುಂಡು ಹೊಡೆದು ಸಾಯಿಸುವ ಆದೇಶವಾಗಿದೆ ಎಂಬ ವಿಷಯವನ್ನು ನನ್ನ ತಂದೆಯ ತಲೆಗೆ ತುಂಬಿದ್ದರು. ಅಂದು ಎಷ್ಟು ನೊಂದುಕೊಂಡಿದ್ದೆ ಅಂತ ನನಗೆ ಮಾತ್ರ ಗೊತ್ತು. 

ನನ್ನ ಫ್ಲಾಟ್‌ ಒಡೆದು ವೀಡಿಯೋ ಮಾಡಿ ಮಾಧ್ಯಮಗಳಿಗೆ ಹಂಚಿಬಿಟ್ಟಿದ್ದರು. ನಾನು ಯಾರಿಂದಲೂ ಒಂದು ರೂಪಾಯಿ ಹಣ ಪಡೆದಿಲ್ಲ. ಆದರೆ, ನನ್ನನ್ನು ಸುಳ್ಳ, ಕಳ್ಳ, ಡೋಂಗಿ ಅಂತೆಲ್ಲಾ ಅಪಪ್ರಚಾರ ಮಾಡಿದರು. ಕ್ವಾರಂಟೈನ್ ಮುಗಿಸಿ ನನ್ನನ್ನು ಶಾಂತಿ ನಗರದ ಹೊಟೇಲ್‌ಗೆ ಕರೆದುಕೊಂಡು ಹೋಗಿ ಚಿತ್ರಹಿಂಸೆ ನೀಡಿದರು. ನೀನು ಮೆಂಟಲಿ ಸರಿಯಿಲ್ಲ ಅಂತ ಮೀಡಿಯಾ ಮುಂದೆ ಹೇಳು ಆಗ ನಿನ್ನನ್ನು ಬಿಡುತ್ತೇವೆ ಅಂತ ತಲೆ ಮೇಲೆ ಹೊಡೆದರು. ನಿನ್ನ ತಂಗಿಯನ್ನು ಯಾತು ಮದುವೆ ಆಗ್ತಾರೆ? ನಿನ್ನ ತಾಯಿ ಹುಚ್ಚಿಯಂತೆ ಅಲೆದಾಡಬೇಕು, ನಿನ್ನ ತಂದೆಗೆ ಯಾರು ಇಲ್ಲ ಅನಿಸಬೇಕು. ಆ ರೀತಿ ಮಾಡುತ್ತೇವೆ ಎಂದು ಹೇಳಿದರು. ಆದರೆ, ನಾನು ಯಾವುದಕ್ಕೂ ಸಹಿ ಹಾಕಲಿಲ್ಲ ಎಂದರು. ಪ್ರತಾಪ್ ತಾವು ವಿದೇಶದಿಂದ ಬರುವ ಮುನ್ನ ಮೂವರು ತಮ್ಮ ಹೆಸರನ್ನು‌ ಹಾಳು ಮಾಡಲು ಕಾಯುತ್ತಿದ್ದರು ಎಂದಷ್ಟೇ ಹೇಳಿದ್ದು, ಆ ಮೂವರ ಹೆಸರನ್ನು ಮಾತ್ರ ಹೇಳಿಲ್ಲ.

ಸಂಗೀತಾ ಶೃಂಗೇರಿ ತಂದೆ ಏರ್‌ಫೋರ್ಸ್‌ನಲ್ಲಿದ್ದವರು. ಅವರಿಗೆ ಆಗಾಗ ಟ್ರಾನ್ಸಫರ್ ಆಗುತ್ತಲೇ ಇರುತ್ತಿತ್ತು. ಇದರಿಂದ ಸಂಗೀತಾ ಫ್ರೆಂಡ್ಸ್ ಬದಲಾಗುತ್ತಲೆ ಇದ್ದರು. ಈ ಬಗ್ಗೆ ಹೇಳಿಕೊಂಡ ಸಂಗೀತಾ, ನಾನು ಕಾಲೇಜಿನಲ್ಲಿ ಓದುತ್ತಿರುವಾಗ ಅಪ್ಪ ರಿಟೈರ್ಮೆಂಟ್ ತೆಗೆದುಕೊಂಡರು. ಏರ್‌ಫೋರ್ಸ್‌ನಲ್ಲಿದ್ದವರಿಗೆ ಹೊರಗಡೆ ಕೆಲಸ ಸಿಗೋದು ಕಷ್ಟ. ಹೀಗಾಗಿ, ಅಪ್ಪನಿಗೆ ಬೇರೆ ಕೆಲಸ ಸಿಗ್ಲಿಲ್ಲ. ಕಾಲೇಜು ಫೀಸ್ ಕಟ್ಟುವುದಕ್ಕೂ ಕಷ್ಟವಾಗಿತ್ತು. ಅಮ್ಮನಿಗೆ ಕಣ್ಣಿನ ಸಮಸ್ಯೆಯಿತ್ತು. ನನಗೆ ಅವರ ಕಣ್ಣಿನ ಆಪರೇಷನ್ ಮಾಡಿಸಬೇಕೆಂಬುದು ಆಸೆಯಿತ್ತು. ಅದಕ್ಕಾಗಿ ಮದುವೆ ಮನೆಯಲ್ಲಿ ಸ್ವಾಗತ ಕೋರುವ ಕೆಲಸವನ್ನು ಮಾಡಿದ್ದೇನೆ. ಕೆಲ ಕಡೆ ಕೆಲಸ ಮಾಡಿಸಿಕೊಂಡವರು ಹಣವನ್ನೇ ಕೊಡದೆ ಆಟ ಆಡಿಸಿದ್ದು ಇದೆ. ಕೆಲವೊಂದು ಘಟನೆಗಳು ಜೀವನದ ಪಾಠ ಕಲಿಸಿದೆ. ಈಗ ಎಲ್ಲಿಗೆ ಬೇಕಾದರೂ ಒಬ್ಬಳೆ ಹೋಗುತ್ತೇನೆ ಅಂತ ಹೇಳಿದರು. 

ಕಾರ್ತಿಕ್ ಬಿಗ್‌ಬಾಸ್ ತಮ್ಮ ತಂದೆಯನ್ನುನ ನೆನೆದು ಭಾವುಕರಾದರು. 2016ರಲ್ಲಿ ಅಪ್ಪನಿಗೆ ಸ್ಟ್ರೋಕ್ ಆಯಿತು.  ಕುಡಿದು ಕುಡಿದು ಕಣ್ಣು, ಕಿಡ್ನಿಗೆ ಸಮಸ್ಯೆಯಾಗಿದ್ದರಿಂದ ಕುಡಿಯುವುದನ್ನು ಬಿಟ್ಟರು. ಆದರೆ, ಮಾತ್ರೆ ತೆಗೆದುಕೊಂಡು ಮಲಗುತ್ತಿದ್ದರು. ಕೊರೊನಾ ಸಮಯದಲ್ಲಿ ಅಪ್ಪನಿಗೆ ಉಸಿರಾಟದ ಸಮಸ್ಯೆಯಾಗಿ ಡಾಕ್ಟರ್ ಬದುಕಲ್ಲ ಎಂದರು. ಆಸ್ಪತ್ರೆಯಲ್ಲಿ ಅವರು ನಂಗೆ ಕಿಟಕಿಯಲ್ಲಿ ಕಾಣ್ತಿದ್ದರು. ಕೊರೊನಾ ಆಗಿದ್ದರಿಂದ ಊಟವನ್ನೂ ದೂರದಲ್ಲೇ ಕೊಡ್ತಿದ್ವಿ. ಆಸ್ಪತ್ರೆಯಿಂದ ಆಗಾಗ ಫೋನ್ ಬರ್ತಿತ್ತು. ಈಗ ಹಾರ್ಟ್ ಅಟ್ಯಾಕ್ ಆಗಬಹುದು ಬನ್ನಿ ಅನ್ನೋರು. ಹೋದರೆ ಈಗ ಆಗಿಲ್ಲ ಅಂತ ವಾಪಸ್ ಕಳುಹಿಸುತ್ತಿದ್ದರು. ನಿಮ್ಮ ತಂದೆ ಸಾಯ್ತಾರೆ  ಬನ್ನಿ ಅಂತ ಕರೆದಾಗ, ಅದನ್ನು ತಡೆದುಕೊಳ್ಳುವುದು ಸುಲಭವಲ್ಲ. ಕೊರೊನಾಎಂಬ ಹಾಳಾದ್ದು ಬಂದು ಅಪ್ಪನನ್ನು ದೂರದಿಂದಲೇ ನೋಡಿ, ಹಾರಹಾಕಿ ಕಳುಹಿಸಿಕೊಡಬೇಕಾಯಿತು ಅಂತ ನೋವು ತೋಡಿಕೊಂಡರು. 

ಒಬ್ಬನೇ ಮಗನಾದ ವಿನಯ್ ಚಿಕ್ಕಂದಿನಲ್ಲಿ ಚೆನ್ನಾಗಿಯೇ ಬೆಳೆದಿದ್ದರಂತೆ. ಅವರು ೧೯ನೇ ವಯಸ್ಸಿನಲ್ಲಿರುವಾಗ ತಂದೆ-ತಾಯಿ ಡಿವೋರ್ಸ್ ಪಡೆದುಕೊಂಡರು. ಇಂತಹ ಸಂದರ್ಭದಲ್ಲಿ ತಂದೆಯೊಂದಿಗೆ ಇರೋದಾ ಅಥವಾ ತಾಯಿ ಜೊತೆ ಇರೋದಾ? ಎಂಬ ಗೊಂದಲದಲ್ಲಿದ್ದರಂತೆ. ಒಮ್ಮೆ ಅವರ ತಂದೆ ಕೋಪದಿಂದ ವಿನಯ್ ಮೇಲೆ ರೇಗಾಡಿದ್ದಂತೆ. ಇದರಿಂದ ಕೋಪಗೊಂಡ ವಿನಯ್, ಯಾರ ಮೇಲೂ ಅವಲಂಬಿತವಾಗಬಾರದು ಅಂತ ಮುಂಬೈಗೆ ಹೋದರು. ಮುಂಬೈನ ಕಷ್ಟದ ಜೀವನದ ಬಗ್ಗೆ ಹಂಚಿಕೊಂಡ ವಿನಯ್, ಮುಂಬೈನಲ್ಲಿ ನಾಯಿಗೆ ಊಟ ಸಿಗ್ತಿತ್ತು, ಮನುಷ್ಯರಿಗೆ ಸಿಗ್ತಿರಲಿಲ್ಲ. ನಾನು ಮೂರತ್ತೂ ವಡಾ ಪಾವ್ ತಿಂದು ಬದುಕು ಸಾಗಿಸಿದ್ದೆ. ನಂತರ ಅಲ್ಲಿ ಬದುಕಲು ಆಗಲ್ಲ ಅಂತ ಬೆಂಗಳೂರಿಗೆ ಬಂದೆ.

ನಾನು ಬೆಂಗಳೂರಿಗೆ ವಾಪಾಸ್ ಬಂದಾಗ ನನ್ನ ಹೆಂಡತಿ ಮದುವೆಯಾಗದೇ ನನಗೋಸ್ಕರ ಕಾಯುತ್ತಿದ್ದಳು. ನಂತರ ಇಬ್ಬರ ಸರಳವಾಗಿ ದೇವಸ್ಥಾನದಲ್ಲಿ ಮದುವೆಯಾದೆವು ಅಂತ ತಮ್ಮ ಹೆಂಡತಿಯ ತ್ಯಾಗದ ಬಗ್ಗೆ ತಿಳಿಸಿದರು. ಜೊತೆಗೆ ತಮ್ಮ ಬಾಲ್ಯದ ಲವ್‌ ಸ್ಟೋರಿ ಬಗ್ಗೆಯೂ ಬಿಗ್‌ಬಾಸ್ ವೇದಿಕೆಯಲ್ಲಿ ಹಂಚಿಕೊಂಡರು.